Kitâbeler

Menba'-ı ihsân Hüsâmeddîn Ağa Ya'ni ser-şâhinci-i âlî-simât Hayra sâ'i lûtfu câri pür-kerem Eyledi bu çeşmeyi icrâ o zât Cûy-bâr-i feyzi iska eyleyüb Hânkâh-ı Nakşibendî dü-cihât Fikr iderken târîhini Ruşdiyâ Doldu tab'ıma hemân bu vâridât Geldi “On iki” imâm târîh dedi “Oldu cârî çeşme-i aynü'l-hayât”

Zıll-i Hakk Abdülhamîd'e şu mahal Mescid-i nakş-ı felek oldu bu dem Sâhibu'l-ismet kerîmü'l-menkabet Ol hazînedâr sultân-ı ümem Böyle bir ma'bed ki misli yok anın Levh-i menkûşâtı gâyet muntazam Seyr ü tavâf eyliyor ins ü melek Dâimâ bunda ibâdet mültezim Nûh Kuyusu'nda ahâlî bilumûm Oldular müstağrak-ı lutf ü kerem Pâdişâhım çok yaşa âvâzesin Âsumâne refederler subh-dem Ümm-i dünyâ cümleten tebrîk eder Bende-i âl-i abâyı lâ-cerem Burdaki erler Kutub'dan keşfolup Şânına lâyık riâyet buldu hem Şübheyi kat'eyle şân u sıdk ile Feyzinin oldu benâmı muhterem Bâb-ı mescidden duhûlde kıl niyâz Her biri bir feyze mazhar pür-himem Burc-ı ehlullâha karşu baş kesip Hâcetin Hak'tan dile hiç çekme gam Sâhibü'l-hayrâta yâ Rab kıl âtâ Dü cihânda çok saâdet hem haşem Levhaya târih yazar Sâbit kalem Bu ne a'lâ ümmet-i Beytü'l-harem

Şeyh Hüseyn-i Nakşıbendî muktedâ-yı asfiyâ Nice müddet gûşe-i vahdetde uzlet eyledi Mürşid-i kâmil idi hayli maârif ehlini Himmetiyle mahrem-i sırr-ı hakîkat eyledi Da'vet olunca hitâb-ı “irciî”yle Hazret'e Rûh-ı pâki âlem-i lâhûta rıhlet eyledi Didi Yahyâ nâsa hâtif fevtinin târîhini Nakşıbendî Hacı Dede azm-i Cennet eyledi

Sâhibü'l-hayrât Seyyid kâmil el-Hâc Mustafâ Hânkâh-ı Nakşıbend'i vakf idüp kân-ı sehâ